eSefarad Noticias del Mundo Sefaradi
En esta seksion Sharope Blanco, fundadora de Sefaradimuestro, un foro en Internet para korrespondensia sovre kultura sefaradi kon el buto de ranimar la kultura de los djudyos sefaradis, va a partajar kon mozotros su penserios i kriasiones literarias.
Ver todos los artículos de esta sección >>
«Una kandela no perye de su luz
kuando asyende un’ otra kandela..»
Mevlana Celallettin Rumi
«No tengo tiempo de peryer odyando los ke me odyan
Porke esto okupado a amar los ke me aman..»
Gabriel Garcia Marquez
«No tiene dingun sentido de dizir
«aspera !» si vino el tiempo de irse
«torna !» si paso el tiempo i
«de muevo !» si no egziste mas el amor…»
Gabriel Garcia Marquez
El amor es komo un parparo
para los ke no lo saven bive un diya
I para los ke se entyenden….toda una vida!
Nazim Hikmet
El tiempo tiene dos dimensyones
Su largor yega al sol
I su profunditat depende de las passions
Amin Maalouf
ODYO LOS DIYAS DE LUNES !
*Garfield*
Es esto la vida…. Viene el tiempo
I en un segundo termina todo….
El momento ke dizes «se termino todo»
todo empesa de muevo !…
SENECA
BOLANDO KON EL TIEMPO
Kijyera durmir i no azer nada,
Desharme bivir espandida en la yerva
Los ojos a mitad serrados, soriyendo
Avlando al ayre, a los ke m’estan oyendo
Dizyendoles ke el tiempo passa koryendo
I ke esto kansada, solo kero durmir de muevo.
Kijyera nadar en las aguas freskas de los rios
Limpyas i klaras ! En el vedre profundo de los lagos
Sin pensar al ritorno, nadar avagar, aleshandome,
Partir leshos ande los kantos son mistikos siempre
Peryer mis fuersas i desharme ir kon el koryente
Soriyendo mas…Bolando ensima de las aguas, alegre !
Ke son estas korridas, kerer eskapar kon las kozas !
Mas bolsas para inchir, dospues presto vazyar otras ..
Pensar para mas arrekojer, firyir sin kudyo, ma tener !
Tener kualo ? Todo va kedar aki ! Basta de trayer !
Basta los juegos de fama, el orgulyo ! Basta de mas kerer !
De ande viene esta hambre i el odyo ke no kere dezapareser ?
Sharope blanco
Istambol
Sefaradmuestro
