eSefarad Noticias del Mundo Sefaradi
Medi Cohen-Malki es nasida i mora en Yeruyalayim, de padres ke yegaron de Izmir. Tiene estudios en la Universaidad de Yerushalayim, Profesora, poeta i kompozitora, konduse un program de radio en Kol Israel.
Mos eskrivira en esta seksion sovre distintos tema de la istroia, kultura i kostumbres sefaradíes i tambien de aktualidad, asigun sus investigasiones.
Ver todos los artículos de esta sección >>
Rahel, Una poeta Ebrea
Rahel Blovshtein, nasida de Rusia en el 1890. Dezde su chikes eya uzava a pintar i a eskrivir poezias en Ruso.
Despues de azer aliya kon a Eretz Israel kon su ermana en la edad de 19 anyos , eya empeso a ambezarse el Ebreo. EN Rehovot , ande alkilo un aprtamento eya fue konvensida por A.d. Gordon ke el lavoro de la tiera es una valor superior.
Despues de poko tiempo,eya se adjunto a la ferma de mujeres, en la agrikola Kineret, ke se topa en el bodre del lago Kineret. Mas tadre, eya admetio ke esta fua la epoka mas oroza de su vida. De ayi, eya paso al groupo de aresentamiento Deganiya, ke mas tadre devinio un gran Kibutz.
En el 1913 ey partio a Fransia para ambezarse la agronomia, ayi eya enkontro a Michel Borenshtein i se namoro de el.
Despues ke ezbrocho la sigunda gerra mundial ‘los estudios fueron enterrumpidos i eya fua uvligada te tornar a Rusia, ayi, probablemente, eya se apego en tuberkulozis, kuando lavoro en un azilo de guerfanos.
Su namorado kedo en Rusia para partisipar en la revolusion. Kuando las puertas de Eretz Israel se avrieron de muevo, eya torno. Su hazinura la empidio de aserkarse i de entegrarse en la sosiedad del Aresentamientoen el bodre de la Kineret.Los miembros de Degania, la egzijieron a kitar el lugar .
Su hazinura i el espanto ke apege a los otros en su hazinura, kavzaron Una presion a su deredor, i eya empeso errar de lugar en lugar.(Safed, Yerushalaim, Tel-aviv). Su hazinura se estava agravando de dia en dia, i, ansi tambien, su Situasion ekonomika.Eya yego a tal grado, ke empeso demandar ayudo De sus serkanos i de sus konosidos ke unos de ayos fueron figuras Emportantes I konosidas en Eretz Isral de akeos anyos.
En Tel Aviv eya ekrivio munchas de su ermozas i famozas poezias. Eya paso su ultima epoka de vida en soledad,hazinura i provedad, estando konsiente a lagravedad de su situasion i a lo ke no le kedaron munchos dias para bivir.
En sus poezias eya esta ekspresando estos sentimientos.si miramos la poezia «DE mi solo podria kontar’, vemos ke eya esta prezentando su dura vida de lavoro i de pena, sin esperansa,kon keshas al destino i a las iluziones ke la enganyaron.
Eya nunka se kazo i no tuvo kriaturas. En su poezia Mujer esteril, eya ekspera su aspirasion de tener un ijiko al kual eya podra tomar la mano. Eya le eskojo mezmo el nombre Uri:»Uri lo yamare,Uri mio».esta poezia se termina en diziendo ke eya segira a orar komo las madres de la biblia:Komo Rahel i komo Hanna.
Ma, no solo de su vida trajika eya eskrive.munchas de sus poezias son un selmo de amor a muestra tiera, i, tambien a la Kineret . «Oh, mi keneret, oh, mi kineret, es ke egzistes o es ke me avia sonyado».
Su dezeo de amor i de ser amada i abrasada esta pasando komo un ilo en munchas de sus poezias.en la poezia:»E s ke sientes mi boz», eya eskrive sovre su gran dezeo de ver a su namorado: «te asperare asta ke mi vida ya no esta»
Su estilo de ekritura es muy klaro kon palavras simples, ma eya ekspersa de manera muy unika i profunda su vida tan arrazgada i tan sonyadora. Las poezias de Rahel, devinieron una parte muy emportante de muestro patrimonio kultural i literario. Estas poezias ke mensioni i munchas otras, furon kompozadas i azen parte konsistente de muestro repertorio musikal.
Eya murio en el 1931 i fue enterrada, segun su demanda, en el semeterio de la agrikola Kineret, en su tomba ay una vetanika I dientro de eya un livriko kon sus poezias.
Medi Cohen Malki
2012 – Yerushalayim
