eSefarad Noticias del Mundo Sefaradi
Medi Cohen-Malki es nasida i mora en Yeruyalayim, de padres ke yegaron de Izmir. Tiene estudios en la Universaidad de Yerushalayim, Profesora, poeta i kompozitora, konduse un program de radio en Kol Israel.
Mos eskrivira en esta seksion sovre distintos tema de la istroia, kultura i kostumbres sefaradíes i tambien de aktualidad, asigun sus investigasiones.
Ver todos los artículos de esta sección >>
MI YERUSHALAIM
Siempre penso ke me atira Yerushalaim? porke me ato a eya? porke no la deshi del dia ke nasi?
Me bushko las repuestas i no siempre las topo, ma esto segura ke no la konosko bastante. Konoser? ke es lo ke kero konoser?
Kada dia eya troka, kada dia i su surpriza, sus kolores, sus bozes.
Un momento se sientan las las orasiones de los kahles kon la boz de muazin en el fondo, mesklada kon el son de las kampanas. En las kayes kamina un festival perpetual de dejentes: estudiantes, viejos kon chantas del merkado, papazes, turistas avlando linguas kaje imajinarias, elevos de yeshivas, arabos kon kafias, I mujeres kon karas kaje tapadas. En una kaye manifestan i en la otra, kantan I tanyen.
En el otobus topas un mikrokosmo de Yerushalaim: una meskla de kolores, de guezmos, de temperamentos I de istoria biva.
Si vienes al Este de Yerushalaim, respiras el pasado en kada paso: la arkitektura, las kayes estrechas, los institutos de relijion, el bazar i la djente de una tekstura tan diferente…
SI de una parte muntanyas, de la otra el dezierto ke yeva a la mar muerta.
Aki la vida es dinamika: mezmo el kalmo esta respirando, las piedras avlan, las muntanyas komo baylan del ayre, un dia la kalor es la reina i el otro el frio kon el aver de las simas.
Los sentros komersiales son tan modernos i las butikas chikas i el merkado tan autentikos. Las kayes de Yerushalaim kantan el pasado i de manera biva su prezente su erensia, sus gerras i su paz tan arrazgada.
Avlando de paz siempre me demando: es ke la djente de Yerushalaim sinte la paz en su alma? es ke esta trankila? alegre? i nunka tengo la repuesta.
El otor Amos Oz eskrivio sovre Yerushalaim de abasho i de ensima deskriviendo esta broderia tan delikada i tan komplikada.
Nunka puedo imajinarmela. Verdad puede ser ke esto es lo ke me ata kon kuedras de amor, de kuriozidad i de esperansa a mi sivdad? Ken lo save?….
Medi Cohen Malki
2012 – Yerushalayim
Hola Malki me gusto mucho mucho tu artículo de MI YERUSHALAIM .
Al leerlo me dije que así me hubiese gustado escribirlo yo.
No conozco Jerusalem, pero me tira ir y seguramente nuestros antepasados regaron sus tierras.
Reitero, te felicito porque si bien fue tu mano la que escribió,
el que dictaba, era tu corazón.
Con Cariño Marta Ventura ( Buenos Aires, Argentina )
Evocadores recuerdos de Yerushalayim, los que aqui nos ofrece Malki, los cuales tienen la virtud de sucitar en quienes conocemos y amamos esa ciudad única, una emocion muy particular; rememorando para la ocasion aquel pasaje extraido de los «Tehilim», que dice asi;
«Si de ti me olvido Jerusalen
pierda mi diestra su destreza
Mi lengua se pegue a mi paladar
si de ti no me acuerdo;
si no enaltezco a Jerusalen
como preferente asunto de mi alegria»
(Salmo 137/5-7)