IMAJINASIONES DE MARGALIT: EL RIZON – SALONIKI – 17 OCTOBRE 1927 – Poema umoristiko por Margalit Matitiahu

Ver todos los artículos de esta sección

EL RIZON – SALONIKI – 17 OCTOBRE 1927
Margalit Matitiahu

Los pizmonim de Simcha Tora
1.
No kedo ni kief ni ganas
Van y vienen las semanas
Y mos salen almorranas
Sin ganar
Kon sudor y kon penar
Kien se echa sin senar

2.
Kada dia foros nuevos
Mos azen tomar los niervos
Empeniamos y los guevos
Sin kontar
Sin pueder apartar
Kien mos va arezkatar

3.
El emprestimo no vemos
De Jenev nada savemos
A la Fransia ke devemos
Es un sar
Y debemos bien pensar
Kon esta no va pasar

4.
El Inglez kon sus intregas
La Italia kon sus fechas
En los Balkanes lintejas
El Bulgar
Bushka por kada lugar
Mos kiere azer siegar.

5.
Antes de mos venir invierno
La vida no da sabor
El tiempo no mostra bueno
Muchos están sin lavor
Kon la kriz, kon la kriz,
Devdas fina la nariz

6.
La piojera esta mucho
Solo pan por mos artar
Mos pasamos de konducho
Sin avlar, sin avlar,
Mos vamos a arezvalar.

En un banketo de la plaj
1.
Asentada de espalda
Komo un punto de demanda
Eya me miro de lado
Yo me asentí alado.

2.
Viéndola tan admirable
Ke manera ke le avle?
Entender yo no puedia
Si es Griega o Judía .

3.
Pensi, le avlare en Griego
Mas alado me ayego
Y tuviendo komesina
Yo empeso, eig ansina

4.
Di mu les kali kopla (en griego es: Dime buena ija)
Ta matiasu yine trela ( Tus ojos son me kitan loko)

.

_____________________________________________________________

SOBRE LA AUTORA MARGALIT MATITIAHU

Nacida en Tel Aviv (Israel), licenciada en Literatura Hebrea, Filosofía. Escribe poesía en judeo-español (sefardí o ladino) y en hebreo. Traductora, programas de radio, ensayista, colaboradora literaria.
Secretaria General de Federación Israeliana de Escritores. Fue Presidenta de AIELC durante seis años.
Co-directora de la revista Entrelíneas. Sobre su poesía: investigación de la Prof. A.M. Riaño (Univ. de Granada), entre otros. Poemarios publicados: «Kurtijo kemado» (bilin. 1987), «Alegrika» (bilin. 1992), «Matriz de luz» (1997), «Vela de la luz» (1997), «Kamino de tormento» (plaq. 2000), «Bozes en la Shara» (2001), «Vagabondo eternel» (2001), «Despertar el selencio» (bilin. ladino-hebreo, 2004); «Aromas y memorias» (CD; poemas recitados y cantados).
Premios a poemarios: Ateneo de Jaén (1996), Fernando Jeno (1994). Premio de creacion del Primer Ministro (1999). En Diciembre 2003 se inauguró en Puente Castro, León, una placa al nombre de Margalit Matitiahu.
Es productora de dos documentales realizados con su hijo, el cineasta Jack Matitiahu.