eSefarad Noticias del Mundo Sefaradi
La Asosiasion Arkadash en Israel esta aziendo una Kompetision de kompozision de poezias en Ladino.
Reglas de la Kompetision
1. Los partisipantes deven prezentar sus ovras asta el 1.8.12.
2. Se deve prezentar la poezia por medio del formulario de prezentasion a la kompetision de poezias en ladino, ke se topa en este link:
Formulario<http://www.ladino.
3. La ovra deve ser original i el ke va ganar puede ser el solo
autor de la ovra mizma.
4. Para kada poezia sera avierta una oja en el sitio.
5. Kada Institusion apoyante (mira en la kontinuasion de la pajina) puede dar diez puntos (ke se kontaran komo 10 LIKE).
6. La poezia ke ganara en la kompetision es la ke resivira el numero mas grande de LIKE (las Institusiones apoyantes+ LIKE a la pajina de FACEBOOK), asta el 1.9.12.
7. En el mes de Oktobre 2012 sera otorgado el premio al ganador de la
kompetision.
Las Poezias >>
El Buto es:
Permeter a los autores de traer sus ovras a la konosensia del publiko.
El Premio:
Por oras el premio es de 2,000 IS, ma deyinda no se dechizo si va ser dado en dinero o en un regalo korrespondiente.
Partisipan al projekto:
La Autoridad Nasionala del Ladino i su Kultura dono 1,000 S al premio.
Arkadash – La Komunita de los Emigrantes de Turkia a Israel, ke es la Asosiasion ke esta detras del Sitio i de la kompetision i ke dono 1,000 S al premio.
Envitamos otras Institusiones i Asosiasiones a adjuntarsen al projekto.
Rushita Buena i saludos a todos,
Matilda Koen Sarano
