APEL DE LA MAR – Poesia de Renée Behar de Huino

Renée Behar de Huino 
1ºde junio 1995  h.22 y 30

Shishicos  de colores
Me los dio la mar, mi namorado
¡qué fermosos son!

Shevatas escuras
Como mi eksistir
Caracoles, briyantes los unos
Blancos como el yazimin, los otros

Lokedad de mi namorado
Que los trujo en el foyo de su mano
Me los embio con su dulce mirada
Encendiendo lucecicas  al punto
En mi alma atristada.

Ensopitó sentí la mar
El calor, la saledad en mi cuero arresekado
Restrego los ojos cansinos
Y veo endjunto a mi
Mi namorado
Que me toma en sus manos
Como tomó los shishicos del mar

Gracias Renée por tu colaboración!