eSefarad Noticias del Mundo Sefaradi
La Brusha Korona es un kuento para ninyos entre 4 i 8 anyos. Este livro es el rezultado de mi lavoro en los primos días del Kovid-19 kuando ensupito el mundo se paró i no pude kontinuar a lavorar kon mis klasas de muzika para ninyos. Mi idea fue de mandarles kada semana una parte del kuento, ansi se izieron 8 kapitolos komo las 8 notas de la eskala muzikala.
El kuento viene a mostrar a los ninyos el sentimiento del poder, mizmo ke estavan enserrados en sus kazas.
Alon i Alona, los protagonistas, dechizan a salir a la shara en busca de la brusha, konosiendo ke a la Brusha Korona el sonido del ksilofon le aze danyo asta matarla…
El livro esta eskrito en ebreo i en ladino i esto mos parese muy importante para kontinuar la lingua.
En los tiempos dalkavo meldi un artíkolo ke eksplika ke salvar una lingua es importante komo salvar la tierra. I eso es para muestro avenir!
Para poder imprimir el livro ya tenemos el apoyo de La Autoridad Nasionala del Ladino, tambien del Komite Sefaradi de Yerushalayim i las Kommunidades Orientalas. Mismo ansi tenemos menester de dinero para pagar a la imprimeria i vos enkorajamos a ayudarmos a alkanzar este buto kon vuestros donos.
Tenemos menester de arekojer 35.000 shekel para pagar los kostes de la imprimeria.
Se puede donar todo modo de kuantidad.
A los ke manden su dono de 80 shekalim o dolares (en Israel) o 100 shekalim/dolares (fuera de Israel) les va mandar el livro.
Para azer donos eskrivir a hamutalzimra5@gmail.com
Mersi muncho!
Hamutal Zimra
