| Yom akippur! Los punyos ke no deshan senyal Kippur es dia de perdonansa,
el dia ke estamos en la balansa,
entre la vida i la muerte,
rogando por muestra suerte! Dia de Kippur, kualonke djudio,
se va ala keila, por rogar al Dio
aki perdone kada delito i pekado,
i sera la vida setensiado. En Kippur el ensavanado i ipokreta,
el ke biza mezuzah i rova la pita;
estan kon los levros en la mano,
komo santos i kon korason sano… Todos akeyos ke mientres el anio entero
kometieron delitos i mil i un yero;
todos akeyos dela mas basha fama,
se dan punyos en la boka del alma. Todos akeyos ke enganiaron al serkano.
ke rovaron hak del prove i del ermano:
todos akeyos sharlatanes i ganaves,
en Kippur meldan los viduim. Personas negras kon el dio i la djente.
manchadas kon markas en sus frente:
visten el tallit de avasho ariva,
azen taanit kon ipokrazia biva! Tomemos por egzempio en la kolonia,
ombres eskorchadures de famia;
ombres de karakter malesiozo,
en Kippur, rogan al dio poderozo. Destruadores i metidores de entrompieso
personas enemigas del progreso,
dezazidores de muestras enstetusiones,
en Kippur alempeyan sus korasones…. Ombres ke korieron para azer danio,
mientres todos los dias del anio;
en Kippur mostran enosinsia,
a kada ermano mostran kerensia…. Siertos hahamim de nuestra sivdad,
djuzgadores, falsos i sin dinyedad,
en Kippur kon sus barvas demazia,
kitan de hova ala djuderia! Ansi donke, dia de Kippur el santo,
kada una esta avatido i kon krevanto,
el dia entero pasamos en la keila,
asta la ora de al nora aliela. Salimos dela keila, mos damos la mano,
mos suetamos ermano kon ermano;
todos alegres, todos yenos de gozo,
por el pardon del todo poderozo. Vijitamos parientes i sevrinos,
amigos, konosidos i vezenos;
nos suetamos una anyada prosperoza,
anyada alegre i ganansioza. Despues de esto, empesamos el anio.
kon mil i una falsie i enganio;
toda la orasion i rogativa,
no fue ke por enganiar al de ariva!… Los punyos no mos desharon senial,
de muevo empesamos a azer mal;
i despues de eskalamasion i grito,
komotimos mil i un delito. Kipur va i kipur viene,
el mizmo karakter siempre tiene;
los ombres de ayer eran fieros,
los de oy no son del todo sensiros. Los ombres de oy mankan de fe,
no konosen djustisia ni le;
enyoran la moral la mas elevada,
por yevar vida dinia i respektada. El mejor karakter umano,
es de ayudar al serkano;
azer el bien, bushkar la pas,
esto es en rezemedo, i nada mas. Alberto Levy | Traducción: ¡ Yom Kipur! Las firmas que no dejan huella
¡Kippur es el día del perdón,
el día en el que estamos en la balanza
entre la vida y la muerte,
orando por nuestro destino! El día de Kippur, cualquier judío
va a la sinagoga a orar a Dios,
aquí Él perdona todo crimen y pecado
y la vida será sentenciada/sellada. En Kipur el astuto e hipócrita
que roba la mezuzá y roba el pan,
están con libros en la mano
como santos y con corazón sano…. Todos aquellos que durante todo el año
cometieron delitos y 1001 errores;
todos los de menor reputación
se dan puños en la boca del alma. Todos los que engañan a los cercanos
que robaron la justicia al pobre y al hermano,
todos esos charlatanes y ladrones
en Kipur, confiesan Las personas que son malas con Dios y con la gente,
manchadas con marcas en la frente,
usan el talit de abajo arriba,
ayunan con vivaz hipocracia. Tomemos, por ejemplo en la colonia
a hombres que destruyen a su familia,
hombres de carácter malicioso,
en Kipur, rezan a Dios todopoderoso. Destructores y obstructores,
los enemigos del progreso,
los que socavan nuestras instituciones
en Kippur, limpian/purifican sus corazones… Hombres que corrieron para hacer daño,
durante todos los días del año,
en Kipur demuestran inocencia, demuestran cariño a cada hermano. ¡Ciertos rabinos de nuestra ciudad,
jueces falsos y sin dignidad,
en Kippur con sus barbas largas,
quitan su responsabilidad a la comunidad judía! Así el día santo del Kipur
cada uno se desahoga y con miedo
pasa todo el día en la sinagoga
hasta la hora final de la oración el nora aliela. Salimos de la sinagoga, nos damos la mano,
nos deseamos entre hermanos;
todos alegres, todos llenos de alegría,
por el perdón del Todopoderoso. Visitamos a padres y familiares,
amigos, conocidos y vecinos;
deseándonos un año próspero,
un año alegre y exitoso. Después de eso, comenzamos el año.
con mil y una mentiras y engaños;
¡Toda la oración y súplica,
fue sólo para engañar al que está arriba! … Los puños no dejaron señal,
nuevamente empezamos a hacer mal;
y después de exclamaciones y gritos,
cometemos mil y un delito. Kippur va y viene
siempre con el mismo carácter;
Los hombres de ayer eran orgullosos,
los de hoy no son nada sinceros. Los hombres de hoy carecen de fe,
no conocen la justicia ni la ley;
desprecian la más elevada moral,
para llevar una vida digna y respetable. El mejor carácter humano
es ayudar a los más cercanos;
hacer el bien, buscar la paz,
este es el punto final y nada más. Alberto Levy |
eSefarad Noticias del Mundo Sefaradi
