Textos traducidos: Sultan Bayazid el segundo i los djudios desterados de Espanya

Los mas venturozos delos egzilados,
djudios dela Espanya desterados;
fueron los ke se avrigaron en Turkia,
leshos dela muerte i la tirania.

El gloriozo Sultan Bayazid el segundo,
famozo estonses, en todo el mundo;
resivio los djudios a plantas de mano,
en las tieras del Imperio Otomano.

Sultan Bayazid, se mostro piadozo,
mas intelijente, prudente i injenyozo;
de todos los prinsipes kristianos,
konsernando la vida de nuestros ermanos.

Entendio la valor delos desfortunados,
los trezoros ke tenian guadrados;
no en sus bulsas ni en sus intestinos,
ma en los kashones de sus meoyos finos.

El realizo el provecho bien serio,
ke iva ser para su imperio;
el progreso i la prosperidad,
ke iva rezultar en kada sivdad.

El se burlava dela absurda idea,
dela inkezision maldicha i fea;
dela reyna, del papas Torkemada,
por sus terivle i mala pensada.

Del Rey Ferdinando el se burlava
por loke alos djudios desterava;
un puevlo intelijente i provechozo,
un puevlo fiero i laboriozo.

Sultan Bayazid siempre remarkava
i asu korte esto deklarava:
“Ferdinando su propio paiz emprovisio
i el mio, mas muncho enrikesio.”

Los djudios davan alavasiones i loores
a este monarka, por sus favores;
derechos i privilidjios les akordava.
i kon ojos de piadad los mirava,

el mando un “firman” ofisial,
asus provensias Evropeas en djeneral;
komandando a todos los governadores,
de no ronjar a los resfuidos espanyoles

de resivirlos kon dulsor i afavilidad,
darles avrigo, en kualonke sivdad;
tratarlos komo sivdadinos pazeguozos,
porke bivyeran kontentes i orozos.

Ansi donke, grasias a este soverano,
tan bueno, dulse i muy umano;
los djudios de Espanya ronjados,
empesaron a bivir, dias mijorados.

Miles se estabilisieron en Turkia,
formando una grandioza famia;
organizandosen en varias komunidades,
i despiegando esforsos i aktividades

avrieron eskolas, keilot fondaron,
varias institusiones organizaron;
en poko tiempo, se vido sukseso,
realizando un senyalado progreso.

Los djudios en el Imperio Otomano,
izieron un esforso sovre-umano;
eyos krearon una Espanya orientala.
en sus vida partikulara i nasionala

saliendo dela Espanya de el inferno,
avrigados basho un piadozo governo;
eyos progresaron, suvieron de grados,
ganando postos bastante elevados.

La Espanya de oy, siente regreto,
por el terivle “desteramiento,”
por la inkezision de maldicha memoria,
ke kedo preta en la istoria.

La Espanya de oy, realiza el yero,
i lo proklama kon korason sinsero;
ke los djudios su paiz emprovisieron,
dezde ke en Turkia se establisieron.

La Espanya de oy, tiene fuerte dezeo,
de ver a el puevlo ebreo;
returnar en su paiz komo antes,
i realizar progresos djigantes.

Asta agora numerozas tantativas,
seriozas repetadas i bivas;
fueron echas por politisianos,
por el returno de nuestros ermanos.

El Rey Alfonso, monarka aktualmente,
ansi ke “Pulido” senator intelejente;
tienen echo yamadas repetadas,
a personas sefaradim bien konsideradas.

El Rey Alfonso, ultimamente,
deklaro a Senyor “Rozanes” lo sigiente:
“es mi dezeo ke los djudios egzilados
returnen en mis tieras, bivan repozados.”

“Eyos son fieles, aktivos i zelozos,
deven olvidar, los rekordos doloriozos:
vinir en Espanya, bivir en pas,
sin tener trobles, ni dolores mas.”

Despues de mas de 4 siekolos desterados,
los sefaradim, oy somos yamados,
pero, la triste i maldicha inkezision,
no se puede embarar dela nasion.

Avlamos espanyol, esto konservimos
uzos i kostumbres guadremos;
pero, lo pasado es inolvidavle,
siendo fue un kulpo formidavle.

Alberto Levi

Los más afortunados de los exiliados,
los judíos expulsados ​​de España,
se refugiaron en Turquía,
lejos de la muerte y la tiranía.

El glorioso sultán Bayazid II,
famoso entonces en todo el mundo,
recibió a los judíos “con los brazos abiertos”
en tierras del Imperio Otomano.

El sultán Bayazid se mostró piadoso,
más inteligente, prudente e ingenioso
que todos los príncipes cristianos
en lo que respecta a la vida de nuestros hermanos.

Comprendió el valor de los desdichados,
los tesoros que habían conservado,
no en sus bolsas ni en sus estómagos,
sino en los cajones de sus finas mentes.

Se dio cuenta del gravísimo beneficio
que iba a ser para su imperio,
el progreso y la prosperidad
que iba a resultar en cada ciudad.

Se burló de la idea absurda
de la maldita y fea inquisición,
de la reina, del sacerdote Torkemada,
por su terrible y mala decisión.

Del rey Fernando se burló
por desterrar a los judíos,
pueblo inteligente y benéfico,
pueblo orgulloso y trabajador.

El sultán Bayazid siempre lo remarcó
y lo declaró ante su corte:
«Fernando empobreció a su propio país,
y al mío lo enriqueció muchísimo».

Los judíos alabaron y alabaron
a este monarca por los favores,
derechos y privilegios que les había concedido,
y él los miró con ojos de piedad.

Envió un “decreto” oficial
a las provincias europeas, en general,
ordenando a todos los gobernadores
que no expulsaran a los refugiados españoles.

recibirlos con dulzura y afabilidad,
darles cobijo en cualquier ciudad,
tratarlos como ciudadanos pacíficos
para que vivan felices y contentos.

Por eso, gracias a este soberano,
tan bueno, dulce y muy humano,
los judíos expulsados ​​de España
empezaron a vivir tiempos mejores.

Miles de personas se establecieron en Turquía,
formaron una gran familia,
se organizaron en diversas comunidades
y demostraron esfuerzo y actividad.

Abrieron escuelas, fundaron sinagogas,
organizaron diversas instituciones;
en poco tiempo fueron testigos del éxito y
lograron avances notables.

Los judíos del Imperio Otomano
hicieron un esfuerzo sobrehumano;
crearon una España del Este
en su vida privada y nacional.

Saliendo de España, saliendo del infierno,
amparados bajo el gobierno piadoso,
progresaron, ascendieron de estatus,
alcanzando puestos bastante elevados.

La España de hoy siente pesar
por la terrible expulsión,
por la inquisición de la memoria maldita
que permanece ennegrecida en la historia.

La España de hoy se da cuenta del error
y proclama con corazón sincero
que su país quedó empobrecido
desde que los judíos se establecieron en Turquía.

La España de hoy tiene un fuerte deseo
de que el pueblo hebreo
regrese a su país, como antes,
y haga grandes progresos.

Hasta ahora los políticos han hecho numerosos intentos,
serios, repetidos y entusiastas, por el regreso de nuestros hermanos.

El rey Alfonso, actual monarca,
así como Pulido, el inteligente senador,
han hecho repetidas llamadas
a bien considerados sefardíes.

El rey Alfonso declaró recientemente
al señor Rozanes lo que sigue:
“es mi deseo que los judíos exiliados
regresen a mis tierras, [y] vivan tranquilos”.

“Son fieles, activos y celosos;
que olviden los recuerdos trágicos:
venir a España, vivir en paz,
sin tener problemas ni más angustias”.

Incluso después de más de cuatro siglos de exilio,
los sefardíes, como se nos conoce hoy, no pueden borrar de la nación
la triste y maldita Inquisición .

Hablamos español, esto lo mantenemos,
mantenemos tradiciones y costumbres,
pero, el pasado es inolvidable,
ya que fue un golpe tremendo.

Alberto Levy