En este tyempo… Adi 9 por Albert Israel (meldar i sintir)

Adi era atleta, djugava basketbol i era miembra de un grupo de bayladores. Durante 8 anyos tanyo el saksafon. Tanyava i armonika. Kuando teniya 16 anyos se iva kada dia a restorantes i salas de fiestas, arekojiya las komidas sovradas, las traiya a la eskola. En la eskola, djuntos kon los amigos, aparejavan porsyones de komidas i las yevavan a las kazas de los menesterozos, de vyejos, de invalides i mas… I mas de esto, les ayudava a alimpyar i enderechar las kazas. En paralel era volontarya en Azilos de Vyejos, ayudandoles todo lo ke es menester. Todo esto volontaryamente i sin alavarse. Era muy modesta…

«Si no sovra, no abasta…»