eSefarad Noticias del Mundo Sefaradi
Sigun la tora i la bibla, Ruth fue una mujer muy virtuoza. Malgrado ke era de orijin diferente, aksepto el djudaismo i dyo su nombre al “Livro de Ruth”.
Mezmo dospues de la muerte de su marido, la konosimos kon su buena voluntad ke no abandono a su esfuegra Noemi, ke desho su pasado pagano i ke fue bis nona del rey Davit.
Meldamos sus famozas frazas ke le disho a su efuegra Noemi: “tu puevlo sera mi puevlo, tu dyo sera mi dyo”
Agora vamos a konoser otra Ruth ke izo un grande sakrifisyo por su ermaniko Daniel.
Ruth ke oye esta idea, de vista izo un plano, porke nunka podriya espartirse de su ermaniko ke lo durmiya en sus brasos.
Durante tres largos diyas de kanino lo miro, le dyo a komer, lo kalmo lo durmyo.
Kuando el treno arivo a Nebraska un marido i mujer Mr. i Mss. Johsons la aresivyeron kon kerensya i la yevaron a sus kaza.
Kuando arivaron, Ruth avryo el sako lo mostro a Daniel. En yorando les konto su dezastro i el plano ke izo por no espartisrse de su ermaniko.
Marido i mujer kedaron enkantados de ver esta ija korajoza ke les estava arogando ke lo aksepten a Daniel.
Madam Jonshon kon las lagrimas en los ojos le disho a su marido;
“Esperavamos un ijo el dyo mos mando dos”
Los abrasaron kon kerensya los edukaron i les dyeron sus alkunya.
Ruth kon Daniel Johnson se engrandesyeron en una famiya maraviyoza kon kerensya, se kazaron, tuvyeron kriaturas ma nunka kedaron leshos de esta famiya i Daniel nunka se olvido el sakrifisyo ke izo su kerida ermana Ruth.
Ruth muryo en el anyo 1974 en Nebraska. Syempre repeto estas palavras:
“La famiya no se trata solo de sangre, se trata de kerensya de proterjarse el uno kon el otro.
Grasyas a los Johsons ke mos adoptaron ansi formimos una ermoza famiya”.
HAG SHAVUOT SAMEAH.
FORTI BAROKAS
Fuente: turkisrael.org.il
