Programa de Radio EMISIÓN EN SEFARADÍ: Muere Hannah Goslar, amiga de Ana Frank, muestro Omaje – 13/11/2022

hanna goslar

Dedikamos un programa omaje a Hannah Pick Goslar, amiga de la chikez de Ana Frank, kontamos sovre komo se konosieron, sus enkontros en los kampos de eksterminio i su milakrosa istoria de superbivensia.

Kada superbiviente ke mos desha se yeva kon sí parte de la istoria real de la Shoá, Olokasto, munchos komo Hannah dedikaron su vida a dar testimonio de lo ke akontesió i la preta vida en tiempos de la Shoá. Sentimos palavras de Hannah onde konta komo fue su enkontro primo kon Ana Frank en el kampo de eksterminio de Bergen-Belsen. En este omaje reflektamos partes de su vida, kuando fueron apresados i yevados a los kampos kon su padre, ermana i nona. Partajamos relatos del livro «Mi amiga Ana Frank» de Alison Leslie Gold onde es nomvrada Hannah, yamada por Ana: Haneli.

Hannah Goslar partajó en la memoria de la Shoá siempre kolavorando kon la Fundación Ana Frank, investigamos sovre su vida en Yerushalayim dempués del enferno.

Siempre en muestros korasones Hannah Pick Goslar, ke en Gan Ede esté. Kurunamos el programa dedikandole esta nana a kapela «Durme durme ermoza donzeya» interpretada por Marlène Samoun.

________________________________________________

DOMINGOS A LAS 22.30 HORAS, MARTES A LAS 18.30 HORAS UTC.
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.

Check Also

kristof kolomb kacha jpg

La Seksion en ladino/djudeo-espanyol del djurnal Shalom: «KRISTOF KOLOMB ERA UN MARRANO?» i otros artikolos del 20/3/2024

La Seksión en ladino de kada semana del periodiko Shalom de Estambol siempre kon artikolos …

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.