eSefarad Noticias del Mundo Sefaradi
En los anyos 1940, en los Estados Unidos, una ijika de chika edad oyo en la radio por primera vez una musika klasika i de akea ora en delantra tomo una desizyon ke iva trokar su vida entera.
Ma malorozamente en akeos anyos, en los Estados Unidos era emposible para una ijika negra(preta) de azerse balerina.
“para ser una balerina kale ke tengas un kuero blanko komo la mansana”
Estas palavras le tokava al fondo del korason i dizia “ke karar de syega idea para una forma de arte”
Malgrado todo Elara nunka torno de su idea, aunke sus amigas le davan konsejos de deshar esta idea enposivle, al kontraryo eya tomava maz fuersa porke teniya una ambisyon enkreyivle.
Entonses un dia se prezento a una odision para el «White Swan Ballet», una de las kompanyas mas prestijyozas de los Estados Unidos. La primera i la sigunda vez fue refuzada.
A la tresera vez, un ombre ke peleava kon todos para ke la aksepten.
Mr.Delacroix, de la primera vez, remarko su talento, i komo era el grande de la kompanya, en el anyo 1955 parvino a entrarla al grupo de bale.
La primera vez baylo en el koro, dospues fue solista en «Les Sylphides» un rolo byen difisil, todos aplodisaron en pyes i kaji medya ora. Al otro dia todas las revistas eskrivyeron notisyas sovre el talento de Elara en dizyendo “el SWAN preto en la shena blanka”.
Esto fue una viktorya para ELARA.
La kompanya ralizo una turne. La primera estasyon fue en Atlanta.
“tu sos preta”?
“alora no te puedemos tomar a este otel”.
De vista la mandaron a un otel byen leshos ke se kedan solo las pretas.
La mezma estorya se repeto en kada sivdad i en kada otel i en kada restoran.
La mezma estorya se repeto en kada sivdad i en kada otel i en kada restoran.
En 1957 vino a Montgomery, Alabama. En komyendo en el restoran vido un grupo ke eran miembros del KU KLUX KLAN.
(El Ku Klux Klan (KKK) es una organizasyon terorista rasista sekreta. Fondada en los Estados Unidos en 1895)
El korason de Elara empeso a batir porke ya savia muy byen ke son rasistas i kontra de las personas pretas, kontinuo a komer kon kalmo.
“ ken es Elara, ke salga en medio de vista”
Todos los artistos kedaron paralizados, la musika kedo, ni un solo balet se meneyo, dingunos no avlo. Todos se aunaron i formaron una pared para guadrar a Elara.
Por la onor de la shena, por la onor de los ekspektadores kontinuo a baylar kon el korason roto i kon tristeza.
Los anyos pasaron, Elara syempre fue arondjada de las puertas de grandes operas Amerikanas, komo Ballet Theatre, New York City Ballet i la Metropolitan Opera.
Keridos lektores kon vuestra permisyon va azer un mez de vakansa alvermos en el mez de ILLUL kedavos en las buanas oras.
FORTI BAROKAS
Fuente: turkisrael.org.il
