Poezia: Para Matilda, primer meldado de Gloria Ascher

Para Matilda

Primer Meldado

27 Iyar 5785/May 25, 2025

Siento las rizas de los malahim,

ke nunka sintieron kontar de Djohá

komo l’azes tú!

Ke bindisión!

I a mí sta viniendo, endjuntos kon lágrimas,

una sunriza, en akodrándome …

Grasias al Dio

por la konsolasión!

Bindicha ya sos, tu alma presioza,

akí i ayá, ke azes riyir,

sunriyir, esperar …

a la rihmisión!

Gloria Ascher

Fuente: Ladinokomunita