Poezia: «Los árvoles mos avlan» de Gloria Ascher

Ya vino el mes de Shevat! Entre serka vamos a selebrar la fiesta de las Frutas!
Vos mando la poezia ke me vino en kamino a New York. Espero ke vos va agradar.
Shevat alegre!
Gloria

Ya stamos asperando,
los días bien kontando,
al kumpleanyo de mozotros arvolés!

Mas largos son los días,
las noches menos frías –-
Ya va vinir en menos de un mes!

Vozotros benadames,
no sólo los hahames,
tenésh i kon mozós de selebrar!

Las frutas en komiendo,
sus mesajes entendiendo,
vash a gozar, también rekonoser

ke semos i parientes,
arvolés, plantas, i djentes!
Bivamos kon respekto i plazer!

Gloria Joyce Ascher
En kamino de Hyannis a New York, 19 Tevet 5786/8 Enero 2026

Fuente: Ladinokomunita