Poesía: YO SO DE BULGARIA de Grasia Jak Albuhayre

Grasia Jak Albuhayire

YO SO DE BULGARIA

Kuando me demandan de ande so,
respondo kon alegria:
– yo so de Bulgaria.
Aki nasi, aki kresi, aki me engrandesi.
Mi madre aki me krio,
aki en la kuna me kuno,
kantikas me kanto,
konsejas me konto.
En ENVERANO
kuando el sol briya, bueno es repozar
en la kosta de la mar
o en la montanya asuvir
i en la freskura bivir.
El INVIERNO tiene otra ermozura,
la tierra se tapa
kon savana blanka
los dales se meten vestido blanko.
En la PRIMAVERA
los arvoles floresen
i las flores kresen.
Ermoza es la Patria mia,
ke se yama BU LGARIA.

Grasia Jak Albuhayre
Livro Nº 3 – 2012
Sofia – Bulgaria