Poesía: KOMO MUSIKA de Grasia Jak Albuhayre

Grasia Jak Albuhayire

 
KOMO MUSIKA

Kuando los djudios de la Ispania se fueron,
la lingva espanyola kon si traeron.
Una lingva dulse i kayente,
ke komo muzika se siente.
Yo so djudia sefarada,
Y esta lingva aklarada
de mi madre ambezi
Y kon eya, en los anyos me kresi.
Es una lingva vieja, vieja ..
ke yamamos “djudezmo – espanyol”
Para los mansevos puede ser konseja
ma mozos kon eya avlavamos en la kaleja.
Lingva mia “djudezmo – espanyol”
siempre pur mi madre me akodra.
Una lingva dulse y kayente
ke komo muzika se siente .

Grasia Jak Albuhayre