Poema: "Si lo eskuro de tus ojos" de Beatriz Mazliah con música de Horacio Lovecchio (audio)

Canta Mónica Monasterio – Música y arreglos Horacio Lovecchio

SI LO ESKURO DE TUS OJOS

¡Ay de ti mi palomika,
si te topa el gavilán!
Una a una tus plumikas
a la mar se kaeran.

En las olas de tu boka
yo e pidrido la rasón,
punyalikos de tus manos
por eyos la vida dó.

Flores tienes en el pelo,
perlas blankas en los pies,
alas negras en el alma
i es por eso no me ves.

Anklas tengo, galanika,
anklas de amor i pasión,
komo un pasharo sin ayre
klavado en la pedra estó.

Si lo eskuro de tus oos
sovre mi keres posar,
a mi korason firido
la salú le vas a dar.

Beatriz Mazliah