Poemas de Haim Vitali Sadacca: La Destinasyon del Korason de Josette Sadacca

La Destinasyon del Korason

Este korason, kansado de una vida larga
Nesesitava ayuda…
Porke keriya eskrivir mas poemas sin karga
…Keriya kontar mas historyas
…Keriya kontar la vida
…Las ermozuras…

Este korason desido un dia
Ke su misyon en esta vida
No se akavo…
Kon un miraklo de los sielos y de la medisina moderna
Esta pronto de muevo
Para eskrivir la vida
La destinasyon
De un korason..

Josette Sadaka
December 20, 2012

———————————————-
Este poema lo eskrivyo Josette Sadacca, la elmuera (nuera) de Haim Vitali Sadacca, mujer de su ijo Selim, después de la operasion del korason de su esfuegro (suegro).
———————————————-

Fuente: Rachel Amado Bortnick para Ladinokomunita