eSefarad Noticias del Mundo Sefaradi
Grasia Jak Albuhayire
KANTIKA DE MI MADRE
La kaza moestra kedo leshos,
Muy leshos – en Toledo
Ay kedaron la kama y la kuna
No yoras mi alma
No yores mi kerida
Yo esto kon ti
Pasimos kaminos largos, largos
Kaminos no konosidos
En la vida ajena agora bivimos
Ma la alma en Toledo deshimos
No yoras mi alma
No yores mi kerida
Tu madre esta kon ti
Kon parientes y ermanos mos espartimos
En el mundo entero mos digitimos
Ma los djidios siempre kedan ermanos
Leshos de Toledo, komo ermanos bivimos
No yoras mi alma
No yores mi kerida
Todos mos vamos arekojer
________________
Fuente: Del libro inédito «POEZIA MUEVA» en judeo-español (ladino), Sofia, Bulgaria, 2010
Enviado a eSefarad por Leon Benatov de Sofia, Bulgaria
Hermosa poesía
Preciosoooooo…!!!
HERMOSO ME ENCNATA TODO LO QUE PUBLICAN TODA RABA, MI ABUELO ERA DE TURQUIA Y S EHABLABA LADINO POR LO TANTO ME GUTSA TODO LO RELACIONADO AL ESTE TEMA, INCLUYENDO LOS POEMAS,