eSefarad Noticias del Mundo Sefaradi
AMOR ENKANTADO
El Dió ke no mos traiga
hazinura ni dolor
El Dió ke mos de
haberes buenos.
El chiko ke a mi me plaze
se topa en el azkierlik.
Puyada de dolor
miro por la ventanika
todo el dia
Los ojos me se shashean
de tanto sufrir
Me demando, komo estará?
De noche no puedo pegar ojo
tantos penserios negros…
La kaveza se patladea
de tanto pensar
¿Sabrá mi manseviko
todo mi dolor?
Sano i resio ke torne
i todo mi dolor
se fuyira de mi kabeza loka
Lo kero kon mi
endjunto a mi
Dia i noche rogo al Dió
ke mos deshe
gozar de muestro amor.-
Renée Behar. 24 agosto de 2015 – Oro del Rhin
