eSefarad Noticias del Mundo Sefaradi
Meldar todos los artikolos de esta seksion >>
«Komo djugavamoz?»
Futbol kon kapakes
Komo ya dishimoz, el futbol era popular no solo en los kampos ke en las mezas tambien. Para esto se arrekojian kapakes de gazoz.
Fraza del dia: El Dyo tyene kargo i de la ormiga i del kampo.
WSP 19.07.2020
———————————-
Tavli, chakete
Aviyan achikyozes ke no mesklavan los dados antes de echarlos.
Los shifros se diziyan en persiano kon una fraza rimada en turko: «Djar u se, sevenler guzeli gench ise». Kuatro i tres, si la ermoza de las amantes era manseva.
Fraza del dia: La mujer i la roza, si la arrefreskas tura ermoza.__
_
WSP 02.08.2020
———————————-
El djugo de eskulta
Los ijikos baylan kon la muzika. Ensupito la muzika se kaya i los ijikos keden komo una eskulta. El ken se meneya sale del djugo.—-
Fraza del dia: El sol lo meneya el ayre lo shasheya. Es «tente no me tokes…»
__
WSP 04.08.2020
———————————-
Tres en linya
Kada uno perkurava a azer una linya de su sinyo, iks o sirkolo. El achikgoz/astuto/eskapaforkas ke empesava el djugo i markava su sinyo en el kuadrado de enmedyo syempre ganava.
Fraza del dia: Ventura, para ken la perkura. Para ken no, potra i kevradura.
—-
__
WSP 13.08.2020
———————————-
Moletas
Las aziyamoz de tavlas ke topavamoz en los kampos. El buto era de kaminar kon eyas lo mas muncho tyempo, sin kayer.
Fraza del dia: El djudyo no piza en tavla rota.
WSP 20.08.2020
———————————-
Albert Israel, Yerushalayim
Shefe del sirkolo de konservar i promover la kultura sefaradi
