Avladino kon Albert Israel en Yerushalayim: Kindertransport (8)

Ver todos los artículos de esta sección 

Kindertransport (8)

Hubert Pollack

Hubert Pollack nasyo en 1903 en la Almanya. Kuando los nazistos entraron al posto el vido komo sus amigos se estan arestando, tomando en prezo, sufriyendo de las manos sadistas de los soldados «ss» i dospues arekojyendosen muertos del hospital en Scharnhorststrasse. Pollack era djudyo, tsionisto pasionado. Se kreyiya en «Estado Djudio» ke deve de tomar luguar en las tyerras de Palestina. Kon este akometimyento fondo el «Ofisyo de Konsejamyento Para Emigrantes Djudyos».

Para Major Francis Edward Foley, «Ofisyer Responsable a Kontrolar Los Pasaports» en el konsolato inglez en Berlin, Hubert Pollack era muy konvenible. Justo la persona ke estava bushkando para pueder espiyonar en la Almanya. Los dos empesaron a kolaborar. Komo ya mensyonimoz, unos de sus aktos de Pollack era tomar paras de Israel Wilfrid, transferarlas komo «Rushvet» a los nazistos, obtener de eyos permisyones de salir el pais para los djudyos de una parte i informasyones importantes para Edward Foley de la otra parte. Pollack ayudo muncho a los djudyos. Este modo se salvaron mas de 50,000 djudyos ke salyeron de Almanya. Pollack tyene dicho ke «Si Foley lavorava akordo las intruksyones ke tomava de Londra dyezes de miles de djudyos no ivan a pueder salvar sus vidas».
En ogusto 1939 Pollack paso a la Ingletyerra. Dospues de la gerra emigro a Israel i servyo en «Aman» (Departamento de Informasyones en Tsahal). Pollack muryo en 1967.

A kontinuar…