eSefarad Noticias del Mundo Sefaradi
Ver todos los artículos de esta sección
De Hänschen fin a Nabia
Fuente: Libreria nasyonal – Universidad Hebrea
No se save ken eskrivyo las notas de esta kantika. Se estima ke son eskritas en el empesijo de sieglo 19 en la Almanya:
Franz Wiedemann, pedagog de Dresden (1821-1882) fue el primer ke eskrivyo palavras a estas notas, en la lingua Alman. Este modo nasyo Hänschen:
| Hänschen Klein Ging allein In die weite Welt hinein. Stock und Hut Steh’n ihm gut, Ist gar wohlgemut. Aber Mama weinet sehr, Hat ja nun kein Hänschen mehr! „Wünsch dir Glück!“ Sagt ihr Blick, „Kehr’ nur bald zurück!“ | El chiko Henshein, Salyo soliko, Al mundo ancho, Baston i chapeo, Le apropiaron bueno, Inspirado kon alegria. Ma la mama esta yorando muncho, Agora no tyene el chiko Henshein, Reushita buena le aogura su Mirada, Solo torna una ora antes. |
El autor i traduktor Pesah Kaplan, en su livro publikado en Varsha en 1913, «Livro de Kantes», se relasyona a la ovra del chiko. Donke moz eskrive por el «Viajero»:
| El viajero chiko Una vez se alevanta chiko, naivo, | הנודד הקטן פעם קם ילד תם |
Aki vemoz ke Hänschen se izo viajero.
En 1935 enkontramoz gazetas publikadas en Vilna, eskritas en yidish. Estamoz vyendo ke entre los yidishavlantes el viajero es, no otro ke, Shmulik.
Akeyos tyempos, en Erets Israel, no se topavan kantikas de kriaturas en hebreo. El metod era de traduizar kantikas de linguas evropeas. Este modo eskrive la maestra de kinder-garden, Tirza Katinka, en su artikolo de 1937 en el bulten «Eko del jarden» (:(הד הגן
«Kopyimoz todo de los jardenes Almanos. Kantes, konsejas, instrumentos, materyales… El materyal literario se tomava de los livros Almanes. No teniyamoz kantikas orijinalas. Los kantes traduizavamoz de los livros ke trushimoz de la Almanya. Por egzemplo:
| Gad el chiko para ir se alevanta, Leshos de ayi, El baston i el sako ya se lo aparejo. La madre yoro kon amargura, Hoy!! No tengo ijo kerido, Entonses penso, demuevo se arepintyo, Aya no se fue. | גד קטן לכת קם |
Meteremoz tino ke Shmulik es agora Gad…
En 1938 se printa un livro en Tel Aviv. No se save ken lo eskrivyo este livro. Tyene un nombre «kurto!?»:
«Al mupak vino perro: i otros kantes para bebes i ijikos buenos, traduizados a hebreo simple, kon notas muzikalas i dekoradas kon munchas figuras«
En este livro moz enkontramoz kon Dan en luguar de Gad:
| A Dan le plaze estar solo, Una vez se fue a leshos, En la chanta metyo, simplemente, todos sus djuguetes. Ma, mama esta desolada, Kedo abandonada, Penso el yaramaz, I torno a kaza. | דָן נָחְמָד לו לבד אבל אמא עצובה |
No se save kuando, egzaktamente, Hänschen, el viajero, Shmulik, Gad i Dan desidaron a trokar sus nombre a Yonatan. No solo trokaron el nombre ke i el teksto entero de la kantika se troko. Yonatan no se esta mas aleshando i su mama no esta yorando. Esto parese fue en los anyos 40 del sieglo 20. Por Yonatan tenemoz 3 versyones kon 3 kavos diferentes:
| Yonatan el chiko, Koryo demanyana al jarden, Eskalo al arvole, Bushko poyikos. Oy vavoy el yaramaz, Burako grande en su pantalon, Eskalo al arvole, Bushko poyikos.Se arodo del arvole, En su kavesa resivyo.Se arodo del arvole, Su kastigo resivyo. | יוֹנָתָן הַקָּטָן אוֹי וַאֲבוֹי לוֹ לַשּׁוֹבָב מן העץ התגלגל מִן הָעֵץ הִתְגַּלְגֵּל |
Dizen ke la primera version es del maestro de la eskola «Gimnasya Hertseliya», Israel Dushman i el treser de Shoshana chanstohovska, amiga del kibuts «Ein Harod».
Pensash ke Yonatan es el ijiko de alkavo?? O Nabia?? No esto siguro porke no se avlar en Koreno…
