El Kanton de Edmond: PASTOR ANDE LOS DJUSTOS Kapitolo 18. Los espozoryos rotos por Edmond Cohen

Ver todos los artikolos de esta seksion

Saludes a todos
Edmond Cohen
Paris – Fransya

______________________________________________________________

18. Los espozoryos rotos

Ay pokas probabilidades ke se konoskan, zaten, syendo ke Betty se topa espozada kon Joseph Hayon, un primo ermano de su kunyado Rodolphe Garé, i ke Albert, por su vanda, se espoza en 1933 kon una djudiya de orijen bulgara.

Ama no se puede luchar kontra el destino. Betty rompe su espozoryo – no se deke i nunka me permeti de demandarle – i Albert el suyo. Por lo ke es de Albert, me disho ke es la myopiya muy fuerte de su desmazalada novya ke eskapo por alesharlo… Siguro ke no deviya ser bastante enamorado para dar de pasada. Ama este rompimyento no se paso kolay. El padre de la novya bushko a Albert kon un kuchiyo para matarlo, i esto bastante lo espanto para ke vayga a durmir unas kuantas noches en un otel, asperando ke se apasigue la birra de su eks-futuro suegro…

A kontinuar…

Edmond Cohen
Paris, Fransya

Fuente: LK/eSefarad