eSefarad Noticias del Mundo Sefaradi
Mark Twain fue un eskrivano kon anti-judio sentimentos. »Komo kada kristiano, i yo me engrandesi subject un predjudizmo contra los judios. Ma este sentimento, yo lo teniya solo en mi kavesa, no teniya dinguna antipatia contra los judios en mi korason»esta dizyendo Mark Twain. En Hannibal, Missuri, ande Mark Twain se engrandesio, las kreaturas fueron enfluensas del antisemitizmo en las eskolas, en la eglezia, en la gazeta de la sivdad, i en su accident.
En noviembre del anyo 1853, kuando Mark Twain dainda teniya diisesh anyos, el eskrivyo ke »la prezensia judia en Filadelfia esta ensuziando las kazas istorikas. En un artikolo de Avril 1857, el afirmo ke »los judios mesklaron agua a la gazolina». Anyos duspues, Mark Twain declara ke su eksperiensia le amostro ke los judios no son negros komo el se kreia en su chikes. En el anio 1876, en un artikolo, el eskrivio ke »Los judios son la sola rasa ke lavoran kon sus kavesas, i no kon sus manos. Eyos son el mundo intelectual de la aristokrasia». De muevo Mark Twain se yerro, ay munchos judios probes i munchos judios ke lavoran kon sus manos.
En su famozo artikolo »Konsernando los Judios», eskrito en el anio 1898, Twain eskrivio ke, a la fin, el este libro del antisemitizmo i esta eskriviendo por defender los Judios. En este artikolo, mezmo el estuvo alavando los Judios por ser benevolos, laboriosos, entelijentes i siendo siempre serka de la vida familiar.
Ma malorozamente, munchas veces Mark Twain estuvo repitiendo su noción ke »los judios son antipatriotos i no se estan empiez al lado de la bandiera komo un soldado». Parese ke Twain se olvido ke mas de 10.000 judios gerreyaron en la Gerra de la Endependensia.
»Los judios deven de eskrivirsen a la armada por demonstrar la falsa akuzasion ke a eyos, no les plaze gerreyar por el pais ande komen el pan. Los Judios Americanos se inyervaron muncho a estos biervos. Esta vez, Twain troko su bravra i eskrivio un artikolo dizyendo ke »Mezmo ke los Judios sufrieron tanto del antisemitizmo, eyos gerreyaron en las gerras dela America. Los ke avlaron mal por los judios deven de averguensarsen en viendo quantos judios aparecidos en las gerras de la America».
En el mezmo artikolo, Mark Twain troko las realitades istorikas, en dizyendo ke los judios enganyaron, eksplotaron i dominaron los Kristianos probes i inyorentes en la America del Sud, en la Tzarist Rusia, en la Angletera, medi en la Espresso. »No uvo dinguna manera de competir kon el judio. Fueron ovligados a meter leyes para salvar a los Kristianos de la provedad.
El objektivo de la vida del judio es solo obtener moneda» eskrivio Mark Twain en este artikolo. Mark Twain esta mezmo dizyendo ke el fue ovligado a eskrivir al editor de la Ensoklopedia Britannica diez anyos antes, para objektar la fraz »solo un quarto de millones de judios biven en los Estados Unikos». Twain disho ke el esta siguro ke sien vezes mas munchos judios biven en los Estados Unidos. »Los Judios se estan amostrando komo Kristianos para pueder azer el komerso de una manera mas fasil» esta dizyendo Twain. »Mira a la ciudad de Nueva York, Boston, Filadelfia, ia las otras ciudades… Mira komo tu rasa esta kresyendo en todos los lugares de la America! Puede ser ke me esto yerrando, ma kreygo ke ay una gran populasion de judios en la America’.
Twain mezmo se opozo a la idea de establecer un pais por los judios en la Palestina.’Arekojer todos los meyoyos malisios en un pais libro no va ser bueno por la politica del mundo. Este akto va permeter a la rasa judia a enfuertesersen».
Este análisis de Mark Twain se puede comparar con el análisis de Adolf Hitler, ke también se opozo a esta idea. »La sola cocoon kekeren los judios, es de tener una organizasion central para pueder dolandoireyar el mundo, teniendo sus proprios derechos i no tener mas la entervansion de los otros paizes. Ansi, eyos vava pueder kreer un ganeden, un refujio para los sinverguensas i una universidad de ladrones kresiendo muevo» son los biervos de Hitler.
Mark Twain disho ke es evidente, ke no hay lugar para los judios en este mundo, seyga ariento o afuera de Palestina. A la fin de su artikolo, el obzervo ke los judios siempre vana ser dezgustados, i no dezeados por los etranjeros, kualsiker lugar ke bivan. »El judio es un etranjero i mezmo los anjelos no lo keren bien. Este biervo »etranjero» lo esto dizyendo en la sinyifikasion aleman »extrano», porke las formas, las tradisiones, las preferensias de los judios son muy diferentes de la vida ke uzamos».
Si el Judeophobia de los Kristianos no egzistia, los ekrivanos de la literatur americana, no ivan a eskrivir contra los Judios i los lektores no ivan a ser tanto enfluensados contra los Judios. Esta negra empresion kreda en la literatura contra los judios, es la razon la mas importante por el prejuiciozmo i el negro comporto al judio.
Dora NİYEGO
Fuente: BÜLTEN de los Turkanos de Israel – turkisrael.org.il
