eSefarad Noticias del Mundo Sefaradi
‘En el empesijo del ventien siglo, los judyos izeron grande Progresso en la industria de la música. La industria de la música fue un medio y los jueces no se enfrentaron con el antisemitizmo’ esta Diziendo Micheal Feinstein , el ganador del primer premio Emmy.
‘White Christmas’ escrito por el judio muzisien, İrving Berlin, fue una de las más ermozas kantikas del año 1942, i enkurajo munchos muzisienes judios i non-judios a eskrivir kantikas de Noel.
Seguro ke los muzisienes judios no estavan volontarios a selebrar el nasimiento de Jesu. Por esta razón, eskrivieron solo non-relijiozas kantikas de Noel.
‘Las kantikas de Noel ke son populares no son sovre Jesu’ esta Diziendo Feinstein.
Los judios ke biven en la diaspora tienen dos kulturas: la kultura de su religion i la kultura del pais et eyos biven. Feinstein esta dizendo ke en los paizes kristianos ande los judios biven, Noel se selebra komo una fiesta nasional, i munchos judios tambien partipan a esta fiesta, i kantan las kantikas de Noel.
Barbara Streisand es un álbum de Noel. Neil Diamond también iso tres álbumes de kantikas de Noel. La muzisiena İdina Manzel ke kanta por las bar mitzvas i ke se es popular con las kantikas del ‘hit’ filmo ‘Frozen’ , es también una kantika de Noel, ‘Holiday Wishes’ .
Kuando les estan demando a estos muzisienes, no azen kantikas de Hanuka, en lugar de kantikas de Noel, los muzisienes están respondiendo ke tienen munchas razones por esto.
La primera razón es ke los muzisienes tienen menester de munchos oyentes por pueder azer kantikas ke los interesantesa. Los judios constituyen los dos por sien de la populasion de los Estados Unidos, los kristianos ochenta por sien. Muy pokas personas merkan CD’s de las kantikas de Hanukkah. Munchos amerikanos no konosen la estotorya de los Makabis, y mezmo no se interesante.
La segunda razón es ke Christmas es una fiesta ke puedes empleyar munchos imagenes. Hanukkah es más esteril, no ay munchos imagenes ke se puede empleyar en eskriviendo kantikas.
La tresera razón es ke kantikas de Hanuka egziste solo en las lenguas ebreo, ladino y yidish. No egziste kantikas de Hanuka komozadas i eskritas en inglés.
Ma, dainda ay esperansa. La muzika de Hanukkah está creciendo de diya en diya. Matisyahu iz la kantika ‘Milagro’ en inglés. El grupo Maccabeats izeron la kantika ‘Candlelight’. Esta es la kantika se iz ‘hit’ en poko tiempo.
Kenny Ellis, el kantor de la Sinagoga Beth Ami en Santa Clarita, Kalifornia, está mirando a konvenser los muzisienes para ke metan kantikas de Hanukkah en el libro de las kantikas nasionales. Kenny Ellis tiene un álbum, ‘ Hannukah Swings ‘, y un gran grupo está cantando las más populares kantikas de Hanukkah. Mezmo Feinstein está cantando la primera kantika de este álbum.
Esperamos ke kon tiempo, otros muzisienes vana suksedar, i vana azer munchos albumes de Hanukkah.
TOMADO DE MI ESCRITA EN LA GAZETA SHALOM
Dora NİYEGO
Fuente: BÜLTEN de los Turkanos de Israel – turkisrael.org.il
