eSefarad Noticias del Mundo Sefaradi
Meldar livros me plaze muncho. Sovretodo enverano, seya en accident seya en la beach me da plazer. El tyempo de la pandemiya, tanto meldi, un tyempo dospues no kije ni meldar ni zoom ni nada. Agora esto oroza ke ya empesi a meldar de muevo. El livro de alkavo ke esto meldando es la vida de DONNA GRACIA NASSİ LA SENYORA Mezmo ke konosko muy byen esta vida yene topi plazer de meldarla de muevo. La konosko porke atras unos quantos anyos, djuguimos la vida de esta famoza damma.
Yo kuando djugo un rolo me konsentro a akea personage, meldo la vida, seya en las provas seya en la shena no so yo so akea personaje. Munchas vidas djugi en estos 35 anyos de shena. Komo SARA BERNHARD- HÜRREM SULTAN- GOLDA MEIR IRENA SENDLER Todas estas mujeres eran fuertes de character ma kreygo ke GRACIA NASSI fue la mas korajoza.
La pyesa empesava esta manera:
GRACIA— nasi en 1510 en Lisboa la capitala de Portugal. Mi familia me izeron baptiz en la eglisya kon un nombre Espanyol BEATRICE DE LUNA. Ma mi nombre djudio es HANNA. Hanna es un nombre ebreo, los tiempos más españoles gracia. Mo yo, ya lo se este nombre nunka no kale ke lo diga…
Me akodro kuando teniya 6 anyos, una tadre, mi madre me lavo, me vistyo i me yevo al budrum de abasho de muestra kaza. Abashimos de unas eskaleras aleskuro… no no me espanti porke teniya la mano en la mano de mi madre….supito se alelumbro la kamareta… mi padre asendyo los kandelares… vide una meza byen grande, enriva de la vino avia vases de ken no konosiya los nombres… mi nono Izak Nassi paso a la meza me tomo en la pyerna….estamos debasho de tyerra todos estan avlando a la kayades… todos tomaron los vase de vino mi nono i mi padre empesaron a kantar otra kantika en lingua… LE SHANA ABA SE YERUSALAYIM ABELUYA…. mi madre empeso a darme a entender:
-Gracia mozos semos djudios, ijos de Israel, esta noche es noche de pesah, estamos selebrando la salidura de ayifto ke fuimos syervos a Paro.
-madre no esto entendiendo mosos kualo semos??? Ijos de Jesu ijo de la santa Maria u ijos de Israel???
-djudios mi kerida, ke dyos mos pardone… oyeme bueno! amanyana es easter vamos a ir a la eglisya vamos a bezar los pyezes de la Santa Maria i vamos a bever el vino ke sinyifika la sangre de Jesu.
Afilu ke era muy chika akea noche entendi ke devo de bivir dos vidas. Una: ija del doctor de Lisbon Beatrice De Luna ke se va kada alhad a la eglisya… dos: inyeta de Izak Nassi Hanna Gracia ke asiende kandelas de shabat i selebra la fiesta de pesah debasho de tyerra a laskondidas. akea noche les di bravra a mi famiya ke nunka no va curtain la alma del djudaismo.
Ansi empesa la vida difisil de Gracia Nassi… de la Espanya a Lisboa, de Lisboa a Amberes, de Amberes a Venecia, Países Bajos, Imperyo Otomano i en fin Safed.
La pyesa se termina kon las palavras de remorso.
GRACIA—- esto en los diyas de alkavo de mi vida… muy kansada i hazina… no mesto espantando de murir… solo lo ke kero es ke dingunos no se apatronen de mi Istorya… porke lo djusto yo lo se… vana diz ke troki de le i me ize baptiz en la eglisya, korri detras de la rikeza, traisyoni mi puevlo, tuve amores pasyonados, todo es verdad… ma una koza kero ke sepash. Siempre miri shabat, nunka no komi pan en pesah, ni karnes kortadas por otros mas ke hahames djudios.
Yo HANNA GRACIA NASSI vo lo digo de alma i de corason…
en mi puerpo puedes ser ay JESU ma en mi alma solo… solo ADONAY.
Forti Barokas
Fuente: turkisrael.org.il
