eSefarad Noticias del Mundo Sefaradi
Kada martes, Matilda Koen Sarano mos konta sovre los Pintores djudiós..
Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino .
Yosef Zaritzky
(Ukraina, 1891 – Israel, 1985)
De Wikipedia
Yosef Zaritzky es un pintor djudió ke se izo famozo en el tiempo del yishuv i después del Estado de Israel. El nasió en Ukraina i estudió ayá en la Akademia de Arte. En el 1923 izo su aliyá a Israel i se establesió en Yerushaláyim, i endjuntos al eskultor Avraham Malinkov tuvo la inisiativa de la primera muestra de artistas de Erets Israel en la Torre de David en Yerushaláyim. Zaritzky pasó después a bivir en Tel-Aviv, i fue entre los fondadores del grupo de los Muevos Orizontes. En el 1955 él tuvo una ekspozisón a solo i resivió el Premio de Israel.
Entre el 1954-1956 Zaritzky estuvo en París i en Amsterdam, ande tuvo otra ekspozisión, mizmo ke en Bruxelles. El tornó a Israel, en vista de la sietena muestra del movimiento de los Muevos Orizontes.
En la ekspozisión en onor de los diez anyos del Estado de Israel, Zaritzky ekspozó su ovra monumental «Potensia», ke enkontró el dizakordo de David Ben-Gurion, i por esto fue pasada del sentro de la ekspozión a una sala segondaria. Entre el 1970-1985 él pasó a morar en enverano en el kibutz Tzova, ande se konstruyó un estudio.
Zaritzky pintó en akuarela munchos panoramas de Yerushaláyim, Hayfa i Safed, i no bushkó de ekspresar el israelizmo atraverso la pintura, ma bushkó de krear una pintura universal «abstrakta i lírika».
Zaritzky murió a 94 anyos en el 1985.
