eSefarad Noticias del Mundo Sefaradi
Kada martes, Matilda Koen Sarano mos konta sovre los Pintores djudiós..
Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino .
Max Weber
(Bialystok, Russia, 1881 – Estados Unidos, 1961)
De Hollis Taggart Galleries
Max Weber nasió en Bialystok, ke era parte de la Polonia, okupada por la Russia, i a la edad de diez anyos emigró a la Amérika kon su madre, para reunirse kon su padre ke ya estava en Brooklyn. Weber es un pintor polonezo-amerikano, ke lavoró en estil kubista, antes de dedikarse a temas djudiós verso la fin de su vida. El estudió arte en el “Pratt Institute” en Brooklyn debasho de Wesley Dow, i después de la graduasión se transferó antes en Virginia i mas tadre en Minnesota, para tomar la karga de ensenyante. En el 1905 avansó bastante dinero para ir a París. En prinsipio estudió en la Akademía Colarossi, ma la deskuvierta de Cézanne al “Salon d`Automne” en el 1906 le izo trokar el direksión de su dezvelopamiento. En el 1906 i 1907 tuvo exibisiones en el “Salon des Indépendants” i el “Salon d`Automne”. El kompartió kon Matisse la pasión para la miniaturas persiana, i estudió modernizmo i kubizmo en el estudio de Matisse, sigun el exemplo de Henri Rousseau i Pablo Picasso.
El el 1909 tornó a New York i ayudó a entruduizir el kubizmo en los Estado Unidos. En el 1930 el “Museum of Modern Art” izo una muestra retrospktiva de sus ovras, la primera exibisión a solo en este muzeo de un artista amerikano.
