Las Notas de Matilda: LAS REPUESTAS DE DJOHÁ por Matilda Koen Sarano

Un día Djohá fue envitado a un kongreso sovre el matrimonio.

Ayá lo entervistaron i le demandaron: «Dimos: komo te komportas kon tu mujer?»

«A,» disho él «yo me komporto muy bien kon eya: la respekto, siento sus konsejos, le merko regalos…»

«A, bravo!» le disheron, «I kualo izites, kuando kumplitesh 25 anyos de kazamiento?»

«La yeví en viaje a la Amérika…» disho Djohá.

«Muy ermozo!» le disheron, «I kualo vas azer, a los 50 anyos?» le demandaron.

«Vo ir a tomarla atrás!» disho Djohá.

Kontado por MATILDA KOEN-SARANO – 2013

Kada semana, Matilda Koen Sarano mos konta sovre kuentos, muzika i otras kozas ke eya va arekojendo…