eSefarad Noticias del Mundo Sefaradi
“TOPAR LA MANERA”
Un buen djidio tuvo merak de irse en Espanya i konoser la kultura espanyola. Entre tantas kozas, le kontaron tambien ke ay plasa de toros, ande luchan las personas kontra el toro.
El yego a Madrid, i le disheron ke ay una reprezentasion de lucha de toros. Kijo ir, ma no tinia bilieto. Pregunto ande se merka.
Le disheron: “Sta yena la plasa. No ay bilietos… no ay nada… Es un matador ekstraordinario!”
Ke izo? En todo kavzo deve de tornarse a Yerushalayim i kontar lo ke vido.
Se mitio al lado de la entrada, ande avia dos guardianes.
Viene uno, les dize: “Yo se el banderialiador!”. Lo desharon entrar.
Viene otro, les dize: “Yo se el pikador!”. Entro.
Viene otro les dize: “Yo se el matador!”. Entro i el.
Vino el, les disho: “Yo se el kantador!”
Kontado por YAAKOV HAGOEL – 1998
Notado i redaktado por MATILDA KOEN-SARANO
Kada martes, Matilda Koen Sarano mos konta sovre kuentos, muzika i otras kozas de su eskritura. Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino
Simpática historieta la que aqui nos ofrece la siempre admirada y kerida Matilda Koen Sarano …
lo cierto es(y por curioso que parezca)que el mundo del tóro cuenta tambien con su representacion sefaradi, en la persona del hoy empresario taurino Simon Casas, antaño matador, el cual nacido de cuna sefaradi, en la ciudad francesa de Nimes, tomó la alternativa allá por los años 70
sus antepasados eran oriundos de Toledo, emigrados posteriormente a Turquia, de donde procede su familia …
Aqui queda la anecdota …