eSefarad Noticias del Mundo Sefaradi
Mankura de ekilibrio
Un marido i una mujer se amavan muncho.
Le disho la mujer al marido: «Yo para ti estó pronta a saltar del Migdal Shalom abasho!»
«O! Muy ermozo!» disho el marido.
«I tú kualo estás pronto a azer para mí?» le demandó la mujer.
«Yo estó pronto a asperarte abasho!» le disho el marido.
Kontado por MATILDA KOEN-SARANO – 2015
Kada martes, Matilda Koen Sarano mos konta sovre kuentos, muzika i otras kozas de su eskritura. Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino
