Las Notas de Matilda – Kuentos: Ekivok

Ekivok

En un ospital en Israel, están internados en la mizma sala 5 djudiós i un árabo.

Todos los días, en oras de la manyana temprano viene un relijioso habadnik i les pone los tefilim a todos, incluzo al árabo.

Todos los días asta ke yega el sábado.

Se azen la 9 de la manyana, se azen las 10, se azen las 11, i el habadnik no aparese.

Pregunta el árabo: «Oy no nos toman la presión?»
Kontado por ALEN HANANEL – 2007
redaktado por Matilda Koén-Sarano Notado i

Kada martes, Matilda Koen Sarano mos konta sovre kuentos, muzika i otras kozas de su eskritura. Los tekstos ke partajamos koresponden a los programas de la seksion «Shabat a la noche»  de Kol Israel  del siklo ke eya mizma melda despues del Notisiario en Ladino