eSefarad Noticias del Mundo Sefaradi
Kada martes, Matilda Koen Sarano mos konta sovre kuentos, muzika i otras kozas de su eskritura.
Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino .
Kuento verdadero
Dos semanas antes me telefonó un amigo i avrió su korasón:
«Shoshana, no demandes ke shabat pasí. Todo el día izo luvia i no salimos de kaza, las kriaturas se pelearon i arrebolvieron la kaza, mi mujer los gritó i yo la grití a eya. Mi suegra ke vino para shabat – yo no la soporto ni eya me soporta a mí – se meskló, i a la salida de shabat paresía ke en muestra kaza uvo una revolusión.»
Después ke avló le dishi:
«Yosef, sigún lo ke esto sintiendo, todo esta beséder ande ti: tienes kaza, grasias al Dio i tienes tres kriaturas ermozas i yenas de vida. Entonses todo esta beséder ande ti, deké te estás keshando?»
Mi amigo se riyó i se riyó i a la fin me disho: «Sí, ma kualo tienes de dizir sovre mi suegra…?»
Kontado por SHOSHANA KARBASI – 2013
Notado i redaktado por Matilda Koén-Sarano
