Las Notas de Matilda – Kuento: Una kestión de limpieza

Una kestión de limpieza

Un padre esta kaminando en la kaleja kon el ijo. Ensupitó el ijo saluda una persona deskonosida.

«Ken es?» le demanda el padre.

«Es un ovrero ke alimpia las kayes.»

«I tú komo lo saves?» le demanda el padre.

«Kada vez ke tú te vas al estranjero» le dize el ijo, «él viene ande la mamá i le demanda: – El kampo está limpio?»

Kontado por MALKA KALDERON – 2017
Traduizido i redaktado por MATILDA KOEN-SARANO

———————————————————————-

Kada semana, Matilda Koen Sarano mos konta sovre kuentos, muzika i otras kozas ke eya va arekojendo…