Notas de Matilda – Kuento: Definisiones kitadas de kuríkulos

Definisiones kitadas de kuríkulos

PSIKOLOG – Es un ombre ke tú le das munchas parás para ke te aga las demandas ke tu mujer te aze sin pagar.

PSIKIATER – Es un ombre ke no tiene problemas, todo el tiempo ke los otros tienen.

KONSEJERO – Es un ombre ke kuando le vas a demandar «Ke ora es?», te va eksplikar komo se aze un sat.

BROKER – Es un ombre ke toma tu dinero i lo investe, asta ke se desparese.

AVOKATO – Es un ombre ke eskrive un dokumento de 10,000 palavras i lo yama rezumé.

SPESIALISTA – Es un ombre ke izo todos los yerros posibles en un kampo spesífiko

PROFESOR – Es un ombre ke avla mientres ke los otros están durmiendo.

INSTALATOR – Es un ombre ke mete las manos en la medra i kita de ayá oro.

DIPLOMAT – Es un ombre ke te dize de ir al diavlo en manera tanto edukada, ke te viene propio la gana de ir ayá.

Kontado por LILI ATTAR – 2018
Traduizido i redaktado por MATILDA KOEN-SARANO

———————————————————————-

Kada semana, Matilda Koen Sarano mos konta sovre kuentos, muzika i otras kozas ke eya va arekojendo…