eSefarad Noticias del Mundo Sefaradi
La milizina
Una mujer sintió ke ay una milizina spesial ke todo el ke toma de eya unas kuantas damlás se aze djoven. Esta milizina se topa al estranjero, ande mora su ijo.
La mujer eskrivió al ijo ke le mande la milizina i el ijo se la mandó.
Después de unos kuantos mezes el ijo vino a vijitar sus djenitores.
Abashó del avión i vido una mujer djoven kon una karrusika de bebé ke vino ande él i le disho: «Shalom kerido, yo se tu madre.»
Le disho el ijo: «Mamá? Es difisil rekonoserte. Te izites propio djoven… i blonda…»
Le disho la madre: «Vites ke la milizina sirvió?»
Entonses le demandó el ijo: «I ken es el bebé en la karrusika?»
Le disho la madre: «Es tu padre. El se bevió todo el bokal de la milizina…»
Kontado por MALKA KALDERON – 2018
Traduizido i redaktado por MATILDA KOEN-SARANO
———————————————————————-
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
Lo que en verdad «rejuvenece» es mantener el buen humor, y las ganas de sonreir … esas que con sus «kuentikos» provoca en mi , nuestra Kerida y admirada Matilda ….
Abrazos para ella, y Bendiciones para todos …