Notas de Matilda – Kuento: Solusión fasil

Solusión fasil

Un djidió fue tadre de Kipur ande el Rabino i le disho:
«Me enamorí de una mujer djoven i no sé kualo azer.»
«Kual es el problema? Kázate kon eya.»
«Ma yo ya estó kazado de vente anyos.» responde el ombre.
El Rabino le konseja: «Entonses deja la djoven.»
«No puedo,» dize el ombre, «Yo la kero.»
El Rabino le dize: » Kítate de tu mujer.»
«No puedo,» dize el ombre, » Yo la kero i a eya.»
«Si es ansí, konvértete al Kristianizmo.» le konseja el Rabino.
«Devo konvertirme?» dize el ombre maraviyado, «Deké???»
Le dize el Rabino: » Porké ansina le vas a unflar la kavesa al papás i no a mí!»

Kontato por LILLI ATTIA – 2018
Traduizido i redaktado por MATILDA KOEN-SARANO

———————————————————————-

Kada semana, Matilda Koen Sarano mos konta sovre kuentos, muzika i otras kozas ke eya va arekojendo…