eSefarad Noticias del Mundo Sefaradi
REAKSIÓN INSPERADA
Un kuple no tinía kriaturas. El marido i la mujer fueron ande el rabino i le demandaron kualo devían azer.
El rabino les dio una bindisióon i les disho: «Andá al Kótel i ensendé ay una kandela.» I esto es lo ke izieron.
Pasaron munchos anyos i el rabino kijo ir a ver kualo se izo de este kuple.
Sonó a la puerta i le avrió una ermoza ijika de 15 anyos.
Le demandó el rabino: «Ande está tu madre?
Le disho la ijika: «Mi mamá se fue al charshí kon mi ermaniko i los dos buchukes.»
«I agora,» kontinuó la ijika, «está prenyada de otros dos buchukes: un ijiko i una ijika…»
«Ande está tu padre?» le demandó el rabino, muy komovido…
«Mi padre se fue al Kótel a amatar la kandela!» le disho la ijika.
Kontado por MATILDA KOEN-SARANO – 2018
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
