eSefarad Noticias del Mundo Sefaradi
Problem ensoluble
El ijo de Moshón se konvertió al Kristianizmo, i Moshón tiene grande belá en la kavesa… No save kualo azer, se va murir…
Se hue al kal, al haham, le disho: «Sinyor haham, el ijo mío, ke sta en l`Amérika, se izo kristiano!»
«Ke stas avlando? Ke stas avlando? I el ijo mío izo i él la mizma koza. I él se izo kristiano!»
«Ke vamos azer?»
«Demandaremos al Dio ke mos tope una solusión!»
Empesaron: «Dio grande i piadozo, tópamos una solusión a esta kestión ke muestros ijos se izieron kristianos!…»
Sali de arriva una boz diziendo: «Kuando vash a topar la solusión…I yo tengo el mizmo problem!»
Kontado por MISHEL SHENI – 1991
Notado por Matilda Koén-Sarano
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
