eSefarad Noticias del Mundo Sefaradi
De ande vienen los bebés?
Vos diré kuala es la mueva situasión del siglo ’21.
Noa de siete anyos torna a kaza de la eskola después de la primera lisión sovre los bebés. La mamá le demanda: «Komo fue la lisión?»
Noa le responde:
«Arik disho ke su papá lo merkó en una kaza de guerfanos.
Lilah disho ke sus djenitores la merkaron al estranjero.
Orit disho ke la izieron en un laboratorio.
Matán disho ke sus djenitores pagaron por la tripa de otra mujer.»
Entonses la mamá demanda a Noa, riyendo: «I tú kualo dishites?»
«Nada,'» dize Noa, «me averguensí de dizir ke mi papá i mi mamá son tanto proves ke me izieron eyos mizmos…».
Kontado por MALKA KALDERON – 2017
Traduizido i redaktado por MATILDA KOEN-SARANO
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
muy bueno!!