eSefarad Noticias del Mundo Sefaradi
Buen konsejo!
Una demanyana Avramiko se hue ande Djoha, para demandarle konsejo.
«Mira,» le dize, «tengo dos namoradas. La una es ermoza, inteligente, ma prove, todo en siendo muy manseva. La otra es feya, torpe, ma muy rika i un poko vieja.
Ke me konsejas?»
Le responde Djoha : «Tu va tomala a la manseva i te va rogar: no t’ alvides de darme el numero de telefon de la vieja».
Kontado por RAFAEL VALANSI – 1992, Buenos Aires
Notado i redaktado por Matilda Koén-Sarano
Kada martes, Matilda Koen Sarano mos konta sovre kuentos, muzika i otras kozas de su eskritura. Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino
