eSefarad Noticias del Mundo Sefaradi
Biva la senseridad
Uno resive un telefón del Ufisio de Rejistrasión de los abitantes:
«Shalom, yo tengo menester de uno kuantos detalios. Komo te yamas?»
– «Adam.» responde el ombre.
«Situasión familiar?»
El ombre responde: «Kazado.»
«El nombre de tu mujer?»
– «Eva»
«Ande moras?»
– «En la kaye Paradizo Número 1»
La empiegada se riye: «Agora me vas a dizir ke la kulevra mora en kaza kon vozotros.»
– «Un minuto» le dize el ombre, » Te paso mi suegra!»
Kontado por MALKA KALDERON – 2017
Traduizido i redaktado MATILDA KOEN-SARANO
———————————————————————-
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
