eSefarad Noticias del Mundo Sefaradi
A la letra
El nono vino a topar a su inyetizika. Después ke se kansó de djugar kon eya se asentó a deskansar en el balkón.
Serró un ojo i se sforsó a no serrar i el otro.
Vino an’el su inyeta i le demandó: «Nono, deké no serras i el sigundo ojo?»
El nono, maraviyado, miró su inyeta i le demandó: «Deké ke yo serre i el otro ojo?»
«La mamá dize siempre» respondió la ijika «Kuando el nono va serrar finalmente los dos ojos, mozotros vamos a ser muy rikos».
Kontado por LILI ATTAR -2019
Traduizido por MATILDA KOEN-SARANO
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
