eSefarad Noticias del Mundo Sefaradi
Keridos amigos i amigas
En un Jewish News de enero 2018 meldi un artikolo prezentado por Nathan Jeffey tratando de la vijita del Vise Prezidente Amerikano al Medio Oriente. Prometio a Israel ke la embasada Amerikana sera transferida a YERUSHALAYIM antes del fin del anyo 2019 en rekonosiendo a Yerushalayim komo la kapitala de israel. Del otro lado los Palestinianos no kijeron verlo.
Saludes a todos
——————————————————————————-
LA VIJITA A ISRAEL DEL VISE PREZIDENTE AMERIKANO MIKE PENCE
Al orijin, Pence tenia la intensión de pasar su tiempo kon los Israelianos i los Palestinianos. Pensava en mizmo tiempo de ver a los kristianos. Lo ke se paso fue ke ni los Palestinianos i ni los kristianos kijeron verlo kuando su patron anunsio ke YERUSHALAYIM era la kapitala de Israel. Ensima de esto los Palestinianos tuvieron una huelga/grev en protesto. El negosiante grande Saeb Erekat disho ke la Ameriaa era parte del problem i no la solusión. En ontra el embasador Amerikano ke es Judio David Friedman tenia lagrimas en los ojos al oyír lo ke Mike Pence aviia dicho. El alcalde/mayor de YERUSHALAYIM Nir Barkat tuvo lagrimas tambien. Para el Primer Ministro Benyamin Netanyahu esta vijita fue la okazión para alavar la Administrasión de Donald Trump. Tenia la mizma importansia ke la deklarasión de Balfour en 1917. Tambien lo mizmo komo los Estados Unidos rekonosiendo a Israel en 1948.
Los politikos Arabo-Israelianos estavan nerviozos. ma fueron vistos por Israel komo traidores. Venian de protestar en frente de la Knesset. Netanyahu disho en kontra ke no avia otra alternativa ke negosiar. Los Palestinianos se estan metiendo en el kamino de las negosiasiones. Amerika djugo un papel importante aki. En esta vijita se avlo mas del plano del transferida la amenaza de Iran, del terrorismo global. Pence izo vijita a Yad VaShem i al Muro de Lamentasiones.
Fue muy inspirado por esto. se pensa ke en rekonosiendo a YEUSHALAYIM como kapitala de Israel se krea la oportunidad de diskutir el proseso de paz. de meter fin al konflikto de deadas. El lider de la Opozisión Herzog disho ke la situasión esta explosiva. pero perder la esperansa es mas desastrozo.
Fuente: Ladinokomunita
