eSefarad Noticias del Mundo Sefaradi
Keridos amigos i amigas
En el Daily Telegraph del 27 de mayo meldi un articulo sobre el famoso»Elton John» ke en los últimos tiempos izieron un filmo sobre él titulado «ROCKET MAN». Este fimo sera mostrado en Sydney esta semana en los cinemas.
Saludes a todos
——————————————————————————-
LA VIDA DE «ELTON JOHN»
Era un ijo bien tímido ke tenia talento i ke puedia skapar siendo pianista de muzica klasika, si no era por el facto ke su madre trusho a caza un disko ke troko la direksion de «Reggie Dwight» kuando tenia 9 anyos. El disko era de «Elvis Presley» kon el kante «Heart Break Hotel» i les plazio a el i a su madre. El ijo supo ke le plazeria djugar este tipo de muzika i el ROCK. Pensando ke le ayudaría a pedrer su timididad. Su padre preferia ke lavore en el banko i salio ke se salvo de ser esto al ser un kantador grande i otor de kantes. Su vida entera fue tornada a una fantasia de muzika.
Nasido «Reginald Kenneth Dwight»en 25 Marzo 1947 era el ijo mayor del ofisial en las fuersas aéreas «Stanley Dwight». Su madre era «Sheila nee Harris» i djugaba la trompeta en la Banda de Jazz en los bailos de la armada. Le plazia traer a kaza diskos de vez en kuando para sintirlos kon su ijo. El djugaba el piano de su avuelo i la madre al ver esto se decidio ke resiva leksiones de piano. Al oir las kantikas de «Elvis Presley, Bill Haley i Jerry Lee Lewis» se dechizo ke era su muzica preferada. Tuvo ke esperar un tiempo kuando resivio una beka en la Akademia Real de Muzika. Durante 5 anyos djugo la muzica klásika mankando de klases i aziendo solamente el mínimo para pasar la klasa. Kuando tenia 15 anyos los parientes le toparon un echo de fin de semana en el PUB/Meyhane i sus 17 anyos desho la eskola para azer su karrera en musika, kuando en realidad prefería su padre ke lavore en el banco. No tenia provlemas kon su vista i por tanto se metia antojos grandes i negros los»Buddy Holly» de los anyos 1960 ke era la era de Bluesology ke el formo en 1962.
En 1967 se izo akompanyante kon «Bernie Taupin» para kompanyar kantes i ser en mizmo tiempo uno ke performava. Troco su nombre de shena a «Elton John». En 1969 izo un solo album «Empty Sky» mostrando su capachita komo otor i performante. Su sigundo album salio en 1970 metiéndolo entre los 10 mas altos en Engliterra i los Estados Unidos. En su primer Concerto en los Estados Unidos tuvo»Stage Fright/espanto de escena» en el Club Troubadour i reusho a conquistar el miedo.despues salieron otros álbumes.En 1973 salio el album»Goodby Yellow Brick Road» i se vendieron 30 milliones de copias. Tenia kantes como «Candle In The Wind, Benny and Jets i Goodbye Yellow Brick Road». Malgrado su reushita tuvo difikultades en su vida personal i se dio al alkol i las drogas.
Una ves de mas Elvis su idolo vino a su ayudo en 1976. Esta ves Elvis era gordo i de salud mala i murio el sigiente anyo. Elton John se dechizo de alimpiar su vida i anunsio ke se iva retirar de la performansia para okuparse de un Equipo de Football. En 1979 se torno atras aziendo el Tour del Union Sovietiko. Krió mas kantes populares i tuvo un konflikto sovre su seksualidad kuando en 1984 se kazo kon «Renate Blauel» en Sydney. Se separaron en 1988 i salio komo un omoseksual. En los anyos 1990 kuando performava tan bueno fue introdusido al Rock and Roll Hall de Fama i en 1994 se topo eskriviendo kantes de filmos. El filmo»Lion King» le izo ganar el Premio de Akademia. Siendo amigo de Diana escrivio la kantika «Candle In The Wind» para su servisio memorial en 1997. Lion King lo yevo a Broadway para produsir muzika de teatro como Aida. Se kazo kon su kompanyero «David Furnish» en una seremonia sivil en 2014 i en 2018 anunsio ke partía en retreta por 3 anyos para azer un Tour.
Trezladado por Shimon Geron.
Sydney, Australia
Nota: Al meldar las kozas ke se pasaron en Fransia i kisas en los anyos 1300’s realizo ke la Inkizision Espanyola puedia venir komo resultado de lo ke veian en otros paises.
Fuente: Ladinokomunita
