La Seksion en ladino de kada semana del djurnal Shalom de Estambol – 22/06/2016

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos

• Una Eksplikasyon Nesesaria: En el artikolo de Silvyo Ovadya ke aparesyo en la pajina 17 en Judeo-Espanyol de vuestra gazeta de 15 Junyo 2016, los livros de los kualos el avlo (sin dar nombres de los livros o de la kaza de publikasyon) son livros ke apartenesen a Libra Kitab, kaza de publikasyon de la kual yo so uno de los fundadores i administradores. Es por esto ke mos sintimos ovligados de eskrivir esta eksplikasyon.
  Los livros ke el sinyor eskritor avlo son los sigientes… ver mas >

• 35 anyos despues su muerte El dr. M. O. . Albukrek Syempre nombrado i alavado: SEstranya atraksyon de los Medikos por los Artes i las Letras; es ke se trata de una simple koinsidensya? o byen de un fakto real difisil a eksplikar? ”ay en kaji todos los medikos un gusto envezes muy fuerte por la literatura i la filozofia ansi ke por los artes». Personalmente so konvensida ke no se trata de una simple koinsidensya , ma de un konkorso de sirkunstansyas ke los pusha, en sus momentos de libertad, a bushkar una evazyon estetika o espiritual en un espasyo ande domina la Grasya i no la Dolor… ver mas >

• El privilejyo de bivir en la isla de Burgaz: La isla Burgaz, es la tresera komo grandor de las İslas de Prens de Estambol, ande ay sharas (orman) de pinos (çam), i munchas kazas elegantes de tavla antiguas. Bivir en esta isla es un privilejyo (ayrıcalık), para las personas. Aki no ay la nosyon del tiempo. El tiempo pasa aki sin depender de unas kozas. Demanyana dar un torniko en el bodre de la mar entre los arvoles de pino, djugar en el kafe unas dos manos de kartas, i la noche bever un poko es un divertimyento (eğlence). Dar un torno kon la barka, iyir a peshkar, kemar el ogar (mangal) para asar las karnes, djugar kon top, entrar a la mar son las aktivitades de la isla… ver mas >

• Jean Carasso serro sus ojos por syempre: Lunes la noche kuando meldi la muerte de Jean Carasso sovre el ekran de mi ordinador, tuve la sensasyon de toparme subitamente en un espasyo vazio. El era el kreador i kapo editoryalisto de la revista “La Lettre Sépharade” syempre yena de artikolos muy interessantes sovre el djudaizmo i tambyen sovre el Sefaradizmo. El lavoro muncho a azer aserkar los varyos grupos interesados por la lingua ansi ke por los uzos i kostumbros de muestros avuelos… ver mas >