La Seksion en ladino de kada semana del djurnal Shalom de Estambol – 2/10/2019

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos:

• Kuando es Rosh Ashana: Kada anyada mueva es la puerta de un empesijo. Para las personas el anyo muevo es la sinyifikasyon de las muevas emosyones, muevos dezeos, muevos akontesimyentos. Dingunos de mozotros no semos perfektos. Todos penamos kontinualmente para ser una persona mas buena. Unos de mozotros keren aflakarsen, otros no keren mas fumar, u el buto de otros es avansar moneda. Ken de mozotros keren ser mas pasensyozos, otros mas ordenados, otros tolerentes… ver mas >

• Rosh Ashana: En la Tora, el empesijo del anyo, esta muy klaro ke es el primer diya del mez de Nisan (del kalendaryo Djudyo). Nisan puede koresponder al mez de Marso o Avril. El Dyo Baruhu dize a Moshe Rabenu i a Aron en la tierra de Misrayim, “este mez va ser para vozotros el empesijo de los mezes i va ser el primer de los mezes del anyo para vozotros”. La sorpresa es ke el mez de Tishri komo empesijo del anyo muevo viene muncho mas despues en la Tora i no ay ninguna eksplikasyon del porke paso de un mez al otro mez… ver mas >

• Aktividades De Otonyo: Kuando vyene el mez de septiembre es vedra ke los diyas se akurtan, los arvoles empesan a verter las ojas, la natura muere ma seya en el pais seya en muestra komunidad las aktividades se arebiven. I empesan las ekspozisyones, los teatros, filmos muevos, los kursos ets. Por empesar, el 6 de oktubre estamos envitados de la parte de SİLVYO OVADYA, benefisyo al muzeo djudyo para dar un konserto de musika turka (TÜRK SANAT MÜZiĞİ) en el Neve Shalom a la ora 15.30 kon el konduktor CEMİL SAĞYAŞAR… ver mas >

• Rosh Hashana ya mos vino: Una de las partes umanas de muestra relijyon: perdonar i demandar pardon. Munchos pensan ke las dos palavras mas difísiles de dizir son: “pardona/ekskuza me”. En verdad, todos savemos ke importante son estas dos palavras. Dizir ke te aze pena, o a lo menos admitir tu kulpa, es una parte kritika del proseso de “teshuva”, arrepentimyento. Igualmente importante es la kapasidad de sintir las diskulpas de otras personas i akseptarlas… ver mas >

• Evenimintos Artistikos en İzmir – Antalya – İstanbul, Turkiya: El artisto djenio del siglo XX prezenta sus performansas artistikas para los amantes de arte. La egzibision “PICASSO THE ART OF SPECTACLE” 18 Septembre 2019 – 5 Enero 2020 Kurator: Jean-Luc Maeso Direktrisa: Müjde Unustası La Turkiya, ansi ke los payises ke tienen kostas en la Mar Mediterranea, partisipan al projekto “PICASSO-MEDITERRANNEE”… ver mas >

• Un evenimyento, una dicha/un proverbo: Un diya ke estava en el echo de mi padre, un amigo vino a la fabrika para esbafar i para demandarle konsejo. Kuando vino mi padre le disho, “Ke afito? Ay mezes ke no me bushkas! I kreo ke deves de tener un problem para vinir a vijitarme”. Su amigo no le respondyo i le disho ke keria un kafe sin asukuar “sade”. I Hatice, la mujer ke apareja chay i kafes, se fue al mupak para aparejar el kafe del musafir i un chay para mi padre. Komo no teniya una kamareta para irme me kedi kon eyos… ver mas >

• El rash: Diya de Jugeves tuvimos una seria de teremotos ke mos espanto muncho. En el primer, yo estava aryentro del otomobil asperando a mi marido. El otomobil no estava lavorando dainda. Me meneyi, me paresyo ke era una persona ke paso del lado. En no viendo a dingunos me paresyo algun perro. Ma esto no estava ni de perro ni de gato, me estava meneyando i saltando bueno. Yo no me espanti lo djusto porke estava en un lugar vaziyo. No aviya kazas al entorno… ver mas >