La Seksion en ladino/djudeo-espanyol del djurnal Shalom de Estambol – 17/03/2021

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos:

• Pesah aserkandose, una istorya verdadera sovre una Agada: Munchas vezes meldimos la istorya de Servet i Derviş Korkut, ke paso en Sarajevo en el anyo 1942. Ma Pesah aserkandose kije akodrar estos marido-mujer korajozos i nomados “Just among the Nations” por Yad Vashem. Derviş i Servet Korkut eran muzulmanes de etnia albaneza ke biviyan en Sarajevo, ke era parte del Estado Independyente de Kroasia (oy se yama Bosnia)… ver mas >

• El Ambasador de Espanya: Dezeamos lo mijor a toda la komunidad Sefardi en esta okazyon: Este anyo, la Autoridad Nasyonala del Ladino tiene “El Dia Mundial del Ladino” el 17 de Marso a las 19:00 de Turkiya. Este dia simboliko se va selebrar en ZOOM, ma la audiensa va poder verlo i del YouTube i del Facebook. Por este diya tan espesial, preguntimos a el Ambasador de Espanya, el Sinyor Javier Hergueta lo ke pensa sovre este lingua i la kultura Sefardi…. ver mas >

• Sami Kohen esta kontando: Dame la mano “El Mundo”*: En mi chikes no merkavamos un diaryo en kaza. Mi padre lo meldava en el echo i lo merkava solo los diyas de alhad. Merkava el Milliyet ke tenia en su suplemento un rompekavesa ke puediyas pasar medio diya para rezolverlo. Mi madre komo era de orijin franseza no se entereso muncho kon el diaryo turko… ver mas >

• Vayikra: Elevar a nuestros ninyos kon santedad i limpyeza. “I yamo El Kriyador a Moshe”. Kon este verseto enpesa la perasha Vayikra, ke es tambien la perasha primera de el treser livro de la Tora. Dizen nuestros savyos, kuando se ensenya el estudyo de la Tora a los elevos, se enpesa de el treser livro de la Tora, el livro de Vayikra…  ver mas >

• MADAM FİLİBA: Oy en diya la umanidad se esta machukando por los problemes ekolojikos. Puedemos entender de la Tora eskrito antes 33 siglos, komo mozos, las personas destruimos la natura por no aplikar las reglas. Deskansar la tyerra, protejar las verduras i los arvoles es un dover ma mozos ensuzyimos las mares en echando syerkol, konsumimos las plantas i los animales i rovimos la erensya de muestros desendyentes… ver mas >

• UN TORNIKO EN LOS REKUERDOS – 2: La semana pasada kaminimos asta el Tünel. Agora vamos a kontinuar por la siedra del Tünel. Es la famoza abashada Yüksek Kaldırım. En primero vemos el Karakol i al lado la Mevlevihane. Aya azen seansas de bayles relijiozos de los Mevlevis. Muy enteresante de ver. Kon sira aviyan magazenes ke vendiyan instrumentos muzikales, livros de notas, i diskos. Estos diskos viniyan de afuera del payis. Mas abasho se topavan magazenes de livros uzados … ver mas >